شكون كارل ساغان ؟

عالم الفلك و الفيسليووف كارل ساغان تولد في 9 نوفمبر 1934، في بروكلين، نيويورك. وتخرج من جامعة شيكاغو وين قرى علم الفلك و حركة الكواكب واستكشف نظريات الذَّكاء خارج الأرض.ولا مدير لمختبر كورنيل للدراسات الكوكبية في عام 1968 وعمل مع وكالة ناسا على عدة مشاريع. و نشط حملات ضد الأسلحة النووية، ساغان هو لي قدم فكرة (الشتاء النَّووي- nuclear winter) في عام 1983. وكتب روايةً وحدة و برشا كتب ودراسات أكاديمية وقدم سلسلة (الكون-cosmos)، إلي تعاود انتاجها في تلفزة عام 2014. ( من أحسن الوثائقيات إلي تنجموا تتفرجوا فيهم ) 

بدا ساغان الاهتمام بعلم الفلك بكري بعثاتو امو لمكتبة باش يلوج على كتب لنجوم وقت إلي كان عمرو 5 سنين بعدها بمدة مشى لمعرض نيويورك العالمي وين ركز إهتمامو على رؤى وتخيُّلات المستقبل , بعدها ولا يحب قصص الخيال العلمي إلي كثرت عام 1940 وكان يحب زادة التقارير إلي تحكي ع أطباق طائرة والي اقترحت فكرة وجود حياة خارج كوكب الأرض. تخرج ساغان من الثانوية في عام 1951 عمرو 16 سنة ومشى لجامعة شيكاغو وين عمل تجارب إلي زادت غراموا في إمكانية وجود حياة فضائية. في عام 1955 تخرج ساغان في إختصاص الفيزياء وبعدها بعام خذا الماجستير ، وبعدها ب-4 سنين مشى كاليفورنيا بعد ماخذا الدكتورا في علم الفلك والفيزياء الفلكية.

خدم ساغان في الستينيات في جامعة هارفارد، ومرصد سميثونيان للفيزياء الفلكية، وين ركز على الظروف المادية للكواكب، وخاصة الزُّهرة والمشتري في عام 1968 ولى ساغان مدير مختبر جامعة كورنيل للدراسات الكوكبية و بعدها ب-3 سنين ولى أستاذ ورجع للخدمة مع نازا وعاون في اختيار البلاصة الي شتمسها مجسات المكوك فايكنغ على سطح المريخ وعاون زادة في نقل الرّسائل التي يتم إرسالها من الأرض خارج نظامنا الشمسي. وقت إلي كان ف الثلاثين بدا ساغان يتحدث عن القضايا المهمشة إلي جذبت برشة عباد كإمكانية السفر بين النجوم، وفكرة إنو الفضائيين زارو الأرض منذ آلاف السنين وإنو تعيش مخلوقات تشبه أكياس الغاز في الغلاف الجوي لكوكب المشتري وشهد قدام الكونغرس ف الفترة هذيكة على الأجسام الفضائية، الفكرة الي اشتهرت وتحويل الزهرة إلى كوكب صالح للحياة. في عام 1980، شارك ساغان في تأسيس جمعية الدراسات الكوكبية، وهي منظمة دولية غير ربحية تركز على استكشاف الفضاء، وعمل سلسلة ف تلفزة مشهورة هي (الكون: رحلة شخصية) و النقطة الزرقاء الباهتة : رؤية لمستقبل الإنسان في الفضاء عام 1994، وكانت تكمل وتفسر الكون ومستوحاة من صورة النقطة الزرقاء الشاحبة الشهيرة، والي تورينا الأرض على أنها مجرد ذرة في الفضاء. ساغان استخدم صور مسبار فوياجر 1 كنقطة الانطلاق لمناقشة مكان البشرية في الكون الشاسع هذا و تصوروا للمستقبل. ساغان إستغل مركزو كشخصية مشهورة أو كعالم لتحقيق أهدافه الإنسانية وعمل حملة لنزع السلاح النووي وكان خصم صوتي للرئيس رونالد ريغان في مبادرة الدفاع الاستراتيجي. وفي عام 1983 شارك في كتابة البحث الذي استحدث مفهوم الشتاء النووي وبعدها بعام شارك ف تأليف كتب (البرد والظلام: العالم بعد الحرب النووية-The Cold and the Dark: The World After Nuclear War).

مات بسبب التهاب الرئة في 20 ديسمبر 1996، عمرو 62. بعدها، سلسلة الكون تم إعادة بثها ، و المرّة هاذي مع نيل ديجراس تايسون الي قام بتقديم السلسلة والحصول على الجيل الجديد من المشاهدين المتحمسين لما يكمن وراء حدود الغلاف الجوي للأرض.